ლაბორატორიული კვლევის მთავარი მიზანი და თემა ლაბორატორიის მთავარი მიზანია თერაპიული ჩარევებისა და დიაგნოსტიკური სტრატეგიული მიდგომების შემუშავება დაავადებათა მოლეკულური პროცესების შესწავლით. ჩვენი პროექტი ფოკუსირებულია კომპლექსური დაავადებების (ოსტეოართრიტი, სიმსივნე, გულ-სისხლძარღვთა დაავადებები და სხვა) პათოლოგიაში ჩართული მოლეკულური მექანიზმების გამოვლენაზე. აგრეთვე მოლეკულური სამიზნეების, პროგნოზული ბიომარკერების იდენტიფიცირებასა და განვითარებაზე დაავადების პროფილაქტიკისთვის შესაბამისად, გრძელვადიანი კვლევის ინტერესებია:
ცხოველური და მცენარეული წარმოშობის ბიოლოგიურად აქტიურინივთიერებების იმუნომოდულატორული აქტივობის გამოკვლევა, მათი ზემოქმედების შესწავლა სხვადასხვა იმუნურ პასუხებზე (მასტიმულირებელი ან ინჰიბიტორული). ლაბორატორიის ინტერესი მოიცავს იმის შესწავლას, თუ როგორთრგუნავენ ნაერთები იმუნურ პასუხს ციტოკინების წარმოების რეგულირებით. კომპლექსური დაავადებების პროგრესში ჩართული ბიომარკერების
იდენტიფიკაცია და იმ სტრატეგიების გაუმჯობესება, რომელსაც შეუძლია
გააძლიეროს ამ ბიომარკერების თერაპიული პოტენციალი. იმუნოლოგიური რეაქციების გენეტიკური და გარემო ფაქტორების შეფასება, კერძოდ, ციტოკინების დონის ინდივიდუალურ ცვალებადობის შეფასება და მათი გენეტიკური რეგულაცია. კომპლექსური დაავადებების (დიაბეტი, ოსტეოართრიტი, კიბო და სხვა) განვითარებასა და პათოგენეზში არსებული იმუნოლოგიური დისფუნქციის გამოკვლევა.  ოსტეოიმუნოლოგიური კვლევები – კავშირი ძვლისა და ხრტილის რემოდელირების პროცესსა და იმუნურ სისტემას შორის.